DICK ROSE CHRISTIAN LIFE, ENERO 1984 Si Dick Rose kay usa ka manunulat sa aviation ug aerospace, ug kanhi nga editor sa aviation sa The Arizona Republic. Na-eskwela siya sa University of Washington.
Sa dili pa kadugayon, (karon) si Colonel Kris Mineau, sa United States Air Force, kay palupad gikan sa Luke Air Force Base, gawas lang sa Phoenix, Arizona, diin siya isip usa ka pilotong manunudlo sa F-15 Eagle ug usa ka kumander sa eskwadron. Sa halos mao pay paglupad, usa ka kusog nga pagbuto ang nag-uyog sa eroplanong Eagle, diin maoy hinungdan nasunog kini. Dali-dali siya niliko aron pabalik sa runway. Paglingi niya sa likod, nakita niya ang mga dagkong aso sa bulawanong kalayo nga nagtutok sa tibuok bahin sa likod sa nahisayrang eroplano. “Andam sa pagpagawas!” siyagit sa iyang wingman pinaagi sa radyo. Gisaysay ni Mineau, “Nahitabo na kini sa ako sauna ug wala kini maayong resulta. Wala ko mangandoy nga mausab pa kini. Nagkadako na ang kalayo ug wala gyuy progreso ang pagpaaktibo nako sa mga fire extinguisher sa engine-bay. Busa gipangayo nako sa Ginoo nga palihug patyon na ang kalayo.”
Nagkadako ang kalayo. Nakahibalo si Mineau na kung magpadayon pa ang pagdako sa kalayo, maguba na ang eroplano bag-o pa kini makatugpa. Para mabawasan ang gibug-aton sa eroplano para sa pag-landing, iyang giitsa ang tibuok nga 600-galon nga fuel tank sa usa ka malinawong lugar. Mahinumduman ni Mineau nga mas hadlok ang pagbuto sa tangke sa yuta samtang iyang gilinya ang nagdilaab nga eroplano sa runway. “Giingnan nako ang Ginoo kung giunsa ko Niya pagluwas kaniadto, ug gihangyo nako Siya usab ngaa patyon ang palayo!” Nianang higayona, ang kalayo midilaab sa ilawom nga bahin sa eroplano, nga nagtugot sa natunaw nga masa sa mga debris sa makina nga mahulog.
Pagpalong sa kalayo, gimaniobra ni Mineau ang eroplano sa runway aron dakpon ang usa ka cable nga magpaundang sa pagdagan sa F-15 Eagle. Mihunong sa gilay-on na 500 feet ug gilibutan sa mga trak sa bombero ug mga pang-emerhensya, mapasalamaton nga migawas si Mineau gikan sa naga-aso pa nga eroplano nga nagkantidad $20 milyon.
“Gipahinumdoman lang ko sa Ginoo,” miingon si Mineau, nga nagtukoy sa laing paglupad nga halos adunay dili katuohan nga kataposan. “Misulti Siya kanako nga kung Siya makatabang kanako kausa, Siya makatabang pa nako usab.” Si Kristian M. Mineau, 43, natawo sa Berlin sa panahon sa Ikaduhang Giyera sa Kalibutan, anak sa usa ka German na sundalo nga wala na mobalik paghuman sa giyera, usa ka graduate sa U.S. Air Force Academy ug usa ka beterano sa 100 ka combat mission sa North Vietnam, nag-ingon nga siya usa ka “super macho” nga piloto nga kaniadto misunod sa pilosopiya ni Hugh Hefner kaysa sa Ginoo nga iyang ginasunod karon. “Kabalo ko sa tanan nga mga tubag – abi nako,” ingon niya.
Ang iyang gwapong istorya sa pagbag-o nagsugod kaniadtong Marso 25, 1969 duol sa English Village sa East Dereham, England.
Sa usa ka rutina nga misyon, usa ka mekanikal nga malfunction sa F-4 Phantom ni Capt. Mineau ang mi-lock sa mga kontrol sa paglupad. Kalit na mipahulog ang dako nga eroplano ug ang duha ka tripolante sulod niini. Dili matama ni Mineau ang problema. Gimandoan niya ang usa ka opisyal na si Kapitan Mike Hinnebusch, nga mag-“punch out” samtang sugdan ni Mineau ang ejection sequence. Paghuman, nadungog niya ang kusog nga pagbuto sa luyo sa natanggal nga canopy ug ang rocket motor nga niboto palayo sa eroplano. Sa maong higayon nga si Hinnebusch nakahawa na sa eroplano, nasayod ni Mineau nga naa siyay mas dakong problema, tungod kay ang awtomatikong sunod-sunod nga pagpabuto sa iyang rocket seat kay wala nigana. Ikapila gibalikbalik ni Mineau ug bira ang ejection handle, apan wala gayuy nahitabo. Ubos na kaayo sa minimum nga altitude sa eroplano nga kinahanglan para sa malampusong ejection — pero wala nay laing alternatibo. Napakyas sa pag-operate ang iyang ejection system tungod kay ang supersonic nga presyur sa hangin dili motugot sa atubangan nga canopy nga mabulag sa eroplano. Natanggong si Mineau ug nawalaan ug pag-asa. “Gisulayan na nako ang tanang pamaagi pero walay nahitabo,” nahinumdom si Mineau. “Dili gyud ko relihiyoso nga tawo. Apan samtang gipangdumduman ko ang mga nahitabo sa akong kinabuhi niadtong higayona, ang eroplano nagadive direkta sa kayutaan, misangyaw ako “Ginoo ko, palihog tabangi ako!’” Nianang higayona, niabli ang canopy, nga nagtugot sa akong ejection seat nga rocket motor sa pagpabuto diin nakagawas ako sa eroplano.
“Ang Ginoo ang nagbuhat niini!” ingon niya. “Apan gamay nalang ang oras para maabli ang parachute bag-o ko mababa sa yuta. Tungod sa kinahanglang sunod-sunod nga mga aksyong mekanikal, ang parachute dili maka-deploy sulod sa tulo ngadto sa upat ka segundos. Tungod sa kapaspason sa akong pagbaba diin 1,280 feet taga segundo ug altitude nga ubos sa 1,000 feet, wala na kini tsansa.” Nahinumduman nako ang akong gibati kadtong nabira ko pag-abli sa parachute diin nahibal-an nga mga tunga sa segundo kini. Bug-os nga imposible gikan sa mekanikal nga paglantaw, apan nahitabo kini.”
Mitan-aw si Mineau sa baba aron makita ang dakong kalayo samtang ang iyang eroplano miigo sa yuta ug mibuto. Nahadlok siya nga ang iyang parachute magdala kaniya direkta ngadto sa kalayo. Apan pagsulay niya ug likay sa kalayo, dili mulihok ang iyang mga bukton. Wala kini kusog ug nagbitay kini. Samtang nangandam si Mineau sa pagtugpa, iyang nasayran nga ang iyang mga batiis dili usab molihok. Nabali usab kini tungod sa supersonic nga windblast ug di na niya malihok. Nahulog siya sa yuta na “murag 200-pound na manikang walay kinabuhi” ug dili makalihok. Nagkatibulaag ang iyang mga bukton ug nahinumdom siya na ang tikod sa iyang wala nga batiis kay natapad na sa iyang nawong. “Dili ko makalihok kung dili ko tabangan,” ingon siya. Naghigda si Mineau sa usa ka umahan, dili makalihok o makapangayo ug tabang, naghunahuna kung aduna bay muabot – bag-o siya mamatay. Nabali ang iyang mga bukton tungod sa supersonic nga hangin nga 750 milya kada oras, apan nabuhi siya. Miingon siya nga usa kini ka milagro. Hangtod karon, walay bisan kinsa ang nakiglalis ani nga punto.
Adunay miabot nga doktor ug mga tigluwas gikan sa duol nga baryo ug mga 30 minutos human sa pagkahagsa, usa ka Royal Air Force nga helikopter ang nagdala kang Mineau sa ospital. Taud-taud, niabot ang iyang kauban nga si Hinnebusch nga pareho niya ug kahimtang. Sa unang pito (7) ka oras gikan pagdala sa ospital, gipahigda lang si Mineau sa usa ka lamesa sa pang X-ray nga wala gitambalan. Mahinumdoman niya unsa kasakit hangtod karon. “Ang labing nakaapekto gyud nako kay kadtong giingnan ko na niadtong pito ka oras nga naghigda ra ko, naghulat lang ang mga doctor kung mabuhi pa ba ko o mamatay. Wala silay mahimo, wala ko mahatagi ug mga sedative tungod sa kahadlok nga mas mulala pa ang kadaot sulod sa akong lawas.
Sa sunod nga adlaw, gi-traksyon ang mga bukton ug mga batiis nilang duha ni Mineau ug Hinnebusch. Gawas sa mga tambal ug maayong pag-atiman, mao ra kini ang mahimo sa mga doktor sunod sa upat ka bulan. Ang ilang mga asawa, si Lura Mineau ug Pat Hinnebusch, kay nagbantay sa ilaha sa tibuok panahon. Kada adlaw, lima ka oras magbiyahe ilang mga asawa pauli sa ilang balay ug pabalik sa ospital para magbantay. Duha ka butang ang nagapalig-on kang Mineau, ingon niya: “Ang tubag sa akong asawa ug sa doktor sa usa ka importanteng pangutana nga akong gipangutana kaniya: ‘Kanus-a kaha ko makapalupad pag-usab?” Sa akong pagpamalandong, siguro gipasobraan lang sa doktor ang iyang ingon nga kung mahapsay na ang tanan, pwede na ko makapalupad human sa usa ka tuig. Gusto ko mutuo niya. Ang pagpalupad ang akong kinabuhi.” Ang pagkapositibo ra akong gihuna-huna ug nituo ko nga maayo ra ko sa akong sariling sikap. Murag naingon nako nga, “Ginoo ko, salamat sa Imong tabang. Pero kaya ra ni nako. Sangpiton ko lang Ikaw sa sunod kung kinahanglang Tika.” Nakita nimo, wala pa nako nasabtan unsay gipaabut sa Ginoo kanako, pero nakahibalo jud ko unsa ni.”
Pagkahuman sa upat ka bulan nga pag-antos, gipa-body cast si Mineau ug gipasakay uban ang iyang pamilya sa usa ka eroplano nga pang-medikal padulong sa MacDill Air Force Base sa Florida kung asa siya nagbansay sa F-4. Sa pag-landing, gisugat sila ni Lt. Colonel “Pat” Patterson, usa ka karaang amigo ug kanhi komandante sa iskwadron. Mapasalamaton si Mineau sa iyang presensya ug sinsero nga mga pagtimbaya nga anaa pay pa-balay ug pa-transportasyon para sa pamilya ug mapasalamaton siya nga bisan unsa pa ka daotan ang mga nahitabo, “ang Air Force muatiman ug mutabang gyud.” Apan wala mahibal-an ni Mineau kung unsa ang naghulat kaniya sa umaabot. Usa ka semana pag-abot sa States, adunay nahitabo nga mosulay sa iyang pagtuo ug makaguba sa iyang mga pangandoy nga makalupad pa usab. “Pagtanggal nila sa cast sa akong lawas, kabalo ko nga murag naa gyuy mali. Ang akong mga bukton ug batiis miyuko nga murag hinimo kini sa goma. Gikumpira sa mga hitsura sa mga nawong sa mga doctor ang akong gihuna-huna,” nahinumdom siya. Wala niepekto ang traksyon ug cast sa akong lawas. Wala pa maayo ang mga nabali nga mga bukog, ug si Mineau kinahanglan nga muagi sa sunod-sunod nga mga operasyon aron ayuhon ang kadaghanan sa mga nabali nga bukog. Banabana sa mga doctor, ang kini nga proseso magkinahanglan ug usa pa ka tuig, ug dili kaayo sila malaumon bahin sa mga resulta. Nawala na ang paghunahuna nga makapalupad pa usab. “Nahurot akong pisikal ug espirituwal nga kusog. Naguba tanan ang akong positibo nga panghunahuna ug mga plano sa umaabot. Nawala ang akong pagtuo sa akong kaugalingon,” miingon si Mineau. Human, samtang mangandam na ang mga doctor para sa pinakaunang operasyon, adunay nahitabo nga makapausab sa kinabuhi ni Mineau ug makahatag ug paglaom nga wala niya mahibaloi nga naglungtad.
Usa ka kauban nga opisyal sa Air Force – nagsul-ob ug krus sa kapilyan ug pako sa piloto – naglakaw padulong sa kwarto ni Mineau. “Dako kaayo iyang ngisi,” nahinumdom si Mineau. “Nakaingon ko, Ngano malipayon man ni siya kaayo? ug ingnan pa unta nako siya kung asa moadto, apan wala nalang. Human sa tanan, dili lang siya usa ka kapilyan, usa pud siya ka piloto ug maayo sa mga unsang butang.
Ang kapilyan, si Major Jim Holmes, nasayran nga usa diay ka Air Force Reservist. “Nakasugat” sila ni Lt. Colonel Patterson kinsa mihangyo kaniya nga bisitahon si Mineau. Gipaambit ni Holmes kung giunsa niya pagpalupad kaniadtong Ikaduhang Giyera sa Kalibutan, “nakakita sa kahayag” – Kung unsa man kini, gihunahuna ni Mineau — ug misulod sa ministeryo. Human makadungog sa istorya ni Mineau, miingon siya, “Boy swerte kaayo ka.” “Kapilyan, labaw pa tu sa swerte,” tubag ni Mineau. “Usa kadto ka milagro.” Human, iyang gi- eksplikar kung giunsa niya pagpangayog tabang sa Diyos — ug sa unsang paagi, ug sa tinuod, nitabang gayud Siya. “Mutuo ka ba sa Diyos?” pangutana ni Holmes. “Siyempre,” miingon si Mineau. “Unsa sa imong tan-aw sa ako, usa ka pagano?” “Isa kini ka milagro – usa ka piloto nga mutuo sa Diyos,” tubag ni Chaplain Holmes. “Apan unsa man si Hesus? Mutuo ka ba kang Hesukristo?” Naisip ni Mineau, “Ngano man ko natanggong ani nga panag-istoryahanay?” Wala man kaayo siyay gugma alang sa “relihiyon,” tungod kay sukad kaniadtong bata pa siya, ginapugos ra man kini sa iyaha. Ang mga gitudlo kaniya sa Sunday School muingon nga si Hesus mao ang balaan nga Anak sa Diyos, apan wala siya motuo niini. Mao nga gisultihan niya ang kapilyan kung unsa gyud ang iyang gituohan: nga si Jesus usa lamang ka maayo ug matinud-anon nga tawo nga sama sa ubang tawo, gawas nga gipili Niya ang pagsangyaw sa pulong sa Diyos.
“Kon si Hesus kay maayo kaayo, nganong gilansang pa man Siya sa krus, ang pinakagrabe nga klase sa kamatayon nga nabuhat sa katawhan?”, pagkontra ni Holmes. Sa wa ra madugay, nakit-an ni Mineau ang iyang kaugalingon nga nalambigit pag-ayo sa usa ka pakighinabi mahitungod ni Hesukristo ug kung unsang pasabot kon kinsa gyud siya. Nisugod ug kahanaw ang mga balay sa lawalawa sa iyang hunahuna. Nangutana siya sa kura paroko, “Ang imong pasabot ba kay dili importante kung kinsa ka ug unsa ka, basta imo rang personal nga dawaton si Hesus ug mutuo nga nakabsan siyag kinabuhi sa krus aron mabayran ang imong mga sala?” “Sakto na.”, nitubag si Holmes. “Namatay man gani siya para sa mga North Vietnamese.” Ang akong labing daotan nga kaaway, hunahuna pa ni Mineau. Pero sakto pud no! Makatuo ko niana. “Ug pinakalit”, miingon si Mineau, “Nga akong panghunahuna kay napuno ug imahe ni Hesus nga naa sa krus. Makabati ko nga gaingon siya kanako nga “Gibuhat ko kini para kanimo.” Nabatyagan ko ang gahum nga gadaloy kanako, ug sa pilmerong higayon, sa akong kasingkasing, nasabtan gyud nako ang tanang mga butang na nahibal-an nako mahitungod kang Hesus. Makabati ko nga ang tanang mga kapakyasan ug mga sala kay gipasaylo. Napalibutan ko ug labing hingpit ug kahibulongan nga paghigugma, nga wala pa nako nasinati sukad sukad. Nagdilaab ko gumikan sa akong ulohan ngadto sa akong tiilan. Ni-a ko diri – ang piloto nga maangas, pa gahi gahi ug basagulero – nga murag bata nga gahilak kay nakabalo ko nga gihigugma diay ko ni Hesus.” “Katong panghitaboa kay dili gyud nako masabtan. Kanang pinakalit nga nawala ang tanan nakong pagduhaduha sa akong kinabuhi ug nakabati ko ug hingpit nga kagawasan. Pinakalit nakong nasinati nga ang Ginoo kay dili na siya impersonal nga relihiyon lamang; tunhay siyang buhi pinaagi sa reyalidad ni Hesukristo.
Katong gabhiona nga ningbisita si Lura, nakuratan ang asawa ni Mineau kay miingon si Mineau kaniya sa iyang kasinatian uban ni Kristo. Pero wala pagailhon ang iyahang “lawom na pagpadayag” sa iyang asawa, ug bisan pa katong iyang mga pipila ka suod nga amigo na iyahang nasultian. Nakadesisyon siya nga dili nalang musulti sa lain kung gipahalagahan nako ang akong mga amigo ug ang akong pagpanarbaho sa Air Force. Sa wa nako damha, mao na diay kini ang sinugdanan sa usa ka bag-ong kinabuhi para kanako.” Pero, ang iyang bag-ong kinabuhi, mingsugod nga sakit mahitungod sa taas nga oras nga nagpailawom sa usa ka operasyon.
Pagkahuman sa halapad nga operasyon, namangha ang mga doctor sa akong pagkaayo. Sulod sa isa ka bulan, makalakaw na usab ko. Dili pa gyud nuon ana katarong, kay daghan pag semento ug mga saklay. Pero sa pagkakaron, ming-uswag na gyud ko ug kontrolado na nako ang akong kinabuhi. Pabalik nako.” Dayon paggawas niya sa ospital, miapil si Mineau ug ang iyang asawa sa “usa sa mga pinakasikat na simbahan sa lungsod.” Miingon siya nga “nakabati siya nga obligado siya sa Ginoo nga musimba usab, basta dili lang kaayo ni makapugong sa akong kinabuhi.
Wala pa nako makuha ang kinatibuk-ang pagpadayag, apan kini kay muabutay na gayod. Sa paglabay sa usa ka tuig nga tumong sa paglupad, nikonsidera ang mga doctor nga putlon ang akong pa-a kay wala na mudikit ang akong wala nga paa. Ingon si Mineau, “Kung dili na makakuha sa atensyon sa usa ka fighter pilot, wala gyud makakuha.” Sa dihang naay mga bag-ong silingan ang pamilyang Mineau sa pabalay sa mga military nga mga matinud-anong mga Kristohanon. Sa ilang malipayong pagstorya sa ilang mga kasinatian sa pagtuo sa Ginoo, nakaamgo si Mineau na dili lang siya ang tawo sa kalibutang ang nakahimamat sa nabanhaw na Manluluwas. Sa tinud-anay nga storya, nasabtan niya nba mao ang normal na pagpadayag sa Ebanghelyo sa Bibliya, nga personal nga dawaton si Kristo sa atong kasingkasing ug mabuhi alang Kaniya.
Niadtong Hulyo 4, 1970, mihimo si Kris Mineau ug iyang ginatawag nga “Pagpahayag sa Pagsalig” kay Ginoong Hesukristo, uban sa desisyon nga gihimo siya sa Ginoo nga lahi nga tawo hangtod sa kahangturan. Bisan pag dili ko kaluhod tungod sa akong mga samad, nagpaubos gyud ko atubangan sa Diyos ug nag-ampo nga, “Ginoo, dili na ko gusto buhaton ang mga butang na gusto nako buhaton. Gusto na nako mabuhi alang Kanimo.” Dayon nako paghuman ug ampo, naa koy nasinatian nga milapas sa akong tawhanong pagsabot. Midangop sa kinatibuk-an sa akong kwarto ang usa ka tingog nga naay purong enerhiya, ng murag hunghong sa usa ka dakong dinamo. Mingdaloy sa akong kalawasan ang kainit sa Presensiya nga akong nasinatian sa ospital, usa ka tuig na ang milabay. Ug nakadungog ko ug tingog. Ang pinaka naay awtoridad pero ang pinaka mahigugmaong tingog nga akong nadunggan. Kini nga tingog murag pipila ka light years ang gilay-on, pero hingpit kong napalibutan sa iyang mga pinulungan: “Maayong pag-abot, anak nga Nawala. Ikaw gihulat kanako hangtod sa kahangturan nga pagabuhaton nimo kini nga desisyon. Salig Kanako, ug maayo na ang imong pa-a. Madugay ni para sa imo, apan mao ra kini ang pamaagi aron madala tika sa kung asa tika gusto maabot.”
Sukad atong panghitabo-a, gaingon na si Mineau na nabag-o na siya. Ang iyahang asawa, nagpadayag napud sa iyang personal na pagtuo sa Ginoo. Ang nisunod nga upat ka tuig kay mamahimong lisod para kanila. Daghang operasyon ang gibuhat kaniya aron matul-id ug taman ang iyang mga bukog nga nahimong hiwi. Apan, kining panghitaboa kay naghatag kang Mineau ug daghang oras para basahon ug tun-an ang Bibliya sa pilmerong panghitabo sa iyang kinabuhi. Pinaagi sa makanunayong pagsimba, nakakat-on siya unsaon paggamit sa mga prinsipyo sa Bibliya sa pangaadlaw-adlaw nga kinabuhi. Iya pud nabal-an nga pwede siyang gamiton sa Ginoo sa bisan unsang pinaagi aron makaambit ang uban sa mensahe sa Ginoo mahitungod sa gugma ug kaluwasan. Usa sa mga oportunidad para niini kay sa wa damha niaabot samtang nipailawom siya sa usa ka follow-up surgery sa Air Force Medical Center sa San Antonio, Texas. Pag-abot niya, nakit-an niya nga ang iyang kauban sa kwartong tambalanan kay wala nay lain pa kundi si Mike Hinnebusch, nga nagapatambal pud sa parehas nga panahon. Nakasinati pud si Hinnebusch ug mga pagsulay sa iyang pagpaayo sa iyang mga pisikal nga kasakit, ug maskin pang relihiyoso gyud siya sa wala pa siya maaksidente, naabot siya sa punto nga gaduhaduha siya sa presensiya sa Ginoo. Malipayong gistorya ni Mineau ang iyahang mga kasinatian sa iyahang amigo ug iyang kapwa nga pungkol na piloto. “Mituo ko nga katong duha ka seman kay nahimong punto sa kausaban sa kinabuhi ni Mike,” ingon si Mineau. “Sa pagkakaron, nahigugma na siyag pag-ayo sa Ginoo ug mipdayon siya sa usa ka malampuson nga non-flying career sa Air Force. Sayo-sayo gyud siya nga napromote ug nakab-ot niya ang ranggo na Colonel.”
Samtang naayo si Mineau sa iyang mga kasamaran, gi-assign siya sa mga non-flying duties kay wala na siya gisugtan na magpalupad sa Air Force. Samtang gaserbisyo siya isip usa ka magtutudlo sa Air Force Academy, nakabatyag siya nga ang pagpalupad kay anaa pa sa iyang kasingkasing, ug mingdesisyon siya nga sa ibalik ang iyang pagpanarbaho sa pagpalupad, isip usa ka katapusang pagpaningkamot. Nag-ampo siya ug ning-amin sa Ginoo sa iyahang kagustuhan na mupalupad usab, apan gipangayo niya ang ang kabubut-on sa Ginoo gihapon ang matuman. Nakuratan ug wala nagpadayag ug paglaom ang pilmerong flight surgeon nga iyang giduol. Sa dihang kursonada gyud si Mineau. “Wala sila kabalo kung kinsa ang naa sa akong kiliran.”, ingon siya.
Milabay ang unom ka bulan – ug pagkahuman sa pagkadaghang mga pagsusi ug mga elbawasyon – ang dugay nga ginapaabot nga desisyon kay gihukman na. Niadtong ika-28 sa Agosto, 1974, giaprobahan sa Surgeon General sa Air Force si Kris Mineau nga sa aspetong medical, pwede na siya magpalupad. Ug katong ika-1 sa Enero, 1975, nakadawat siya og mando nga pirmado sa Chief of Staff sa Air Force, nga nagapabalik na kaniya sa iyang pagpanarbaho isip usa ka piloto. Walay laing pinulungan ang makahulagway kung unsa man ang nahitabo sa akoa; himala gyud tuod to. Dili na gyud unta baya ko makalupad usab,” ingon si Mineau. “Apan ang akong pagbalik sa pagpalupad kay anaay pagpahinumdom gumikan sa naa sa Taas.” Gipadala si Mineau sa Holloman Air Force Base, New Mexico, para sa mga pipila ka warm-up flights sa T-38 supersonic jet fighter trainer bago siiya mubalik sa F-4 Phantom. Dayong gi-iskedyul ang iyahang pilmerong pagpalupad katong Martes, ika-25 sa Marso, 1975, – saktong onom ka tuig ug sa parehang adlaw sa semana, gumikan sa iyang aksidente sa Inglatera. Pag-abot niya sa pre-flight briefing, nabal-an niya na ang oras sa pag take-off kay naka-iskedyul ug 4:30 sa hapon, ang ensaktong local na oras sa iyang aksidente. “Dali ra gyud kang sington kung gasuot ka ug flight suit, apan talagsaon ra ang bugnaw nga singot,” ingon siya, Apan dili pa kana ang katapusan sa istorya. Sa katapusan, samtang gasuot sa iyahang flight suit, parachute, ug helmet na mura na niyag mga amigo sauna pa, nilakaw siya sa flight line aron musakay sa iyang pilmerong fighter aircraft na iyang napalupad sulod sa unom ka tuig.
Samtang gasaka si Mineau sa hadganan padulong sa lingkuranan sa piloto sulod sa eroplano, mihunong usa siya arong lantawon ang maanyag na porma sa eroplano nga mudala kaniya sa usa sa iyang labing halandumon nga pagpalupad sa iyang karera sa pagpalupad. Naadto ang iyahang atensyon sa numerong nakapintal sa ikog sa eroplano, ang serial number sa eroplano – 898 – ang parehas nga serial number na nakit-an niyang nahagsa paadto sa bukid-bukid sa Inglatera, saktong onom ka tuig na ang milabay. “Karon, kung gahuna-huna ka nga ang katong mga panghitabo-a kay sulagma lamang, huna-hunaa sa makausab,” ingon si Mineau, samtang nahinumduman niya ang iyang duha ka higayong nakaikyas siya sa kamatayon. Sa pagkakaron, si Kris ug Lura Mineau, mga ginikanan sa upat ka bata, kay nagapuyo sa gawas sa Phoenix, Arizona. “Ang Ginoo kay makakita gyud ug pamaagi arong pahinumduman ko,”, ingon siya. “Kabalo gyud ko nga naa koy pagpanarbaho nga relasyon sa “Puno Nga Piloto”. Ako gyud ang co-pilot!”
